«Самұрық-Қазына» АҚ Директорлар кеңесінің құрамында өзгерістер болды
АСТАНА. 11 ақпан. ҚазАқпарат - 2012 жылдың 2 ақпанда ҚР Үкіметінің №194 Қаулысымен «Самұрық-Қазына» АҚ Директорлар кеңесінің құрамына ҚР Экономикалық даму және сауда министрі ретінде Бақытжан Сағынтаев енді, деп хабарлайды қордың баспасөз қызметі.
Бұдан басқа, Директорлар кеңесінің мүшелері болып ҚР Президент Әкімшілігі Басшысының орынбасары ретінде Бақыт Сұлтанов, ҚР Премьер-Министрдің орынбасары ретінде Қайрат Келімбетов және ҚР Индустрия және жаңа технологиялар министрі ретінде Әсет Исекешев қайта сайланды.
Премьер-Министр Кеңсесінің басшысы Ерлан Қошанов Жақанұлы Г.Р.Абдрахимовтың орнына «Самұрық-Қазына» АҚ корпоративті хатшысы лауазымына тағайындалды.
