«Самұрық-Қазына" ҰӘҚ» АҚ-ның Тұрғын үй комиссиясы «Солтүстік шұғыла» тұрғын үй кешеніндегі пәтерлерді квота бойынша бөлудің тізбесін бекітті
АСТАНА. 30 қараша. ҚазАқпарат - "Самұрық-Қазына" Ұлттық әл-ауқат қоры" акционерлік қоғамының Тұрғын үй комиссиясы «Солтүстік шұғыла» тұрғын үй кешеніндегі пәтерлерді квота бойынша «Назарбаев университеті» акционерлік қоғамының, мемлекеттік органдар және ұлттық компаниялардың қызметкерлері арасында бөлу тізбесін бекітті,
деп хабарлады компанияның баспасөз қызметінен.
«Солтүстік шұғыла» тұрғын үй кешенінің құрылысы «Самұрық-Қазына" Жылжымайтын мүлік қоры" акционерлік қоғамының көмегімен Қазақстан Республикасы Үкіметінің, Қазақстан Республикасы Ұлттық Банкінің және Қазақстан Республикасының Қаржы нарығын және қаржылық ұйымдарды реттеу және қадағалау агенттігінің 2009-2010 жылдарға арналған экономикалық және қаржылық жүйені тұрақтандыру жөніндегі бірлесіп әрекет ету жоспарын жүзеге асыру шаралары жоспарының шеңберінде аяқталды.
Бұл процедура «Самұрық-Қазына» Жылжымайтын мүлік қоры» акционерлік қоғамының Тұрғын және коммерциялық (тұрғын емес) жайларды бөлу ережелеріне сәйкес жүзеге асырылды.
«Самұрық-Қазына" Жылжымайтын мүлік қоры" АҚ дағдырысқа қарсы шаралар мониторингін жүргізу мақсатында құрылған институт болып табылады. Оның негізгі мақсаты - аяқталмаған құрылыс нысандарын қаржыландыру және үлескерлердің мәселелерін шешу. Қазіргі уақытта «Самұрық-Қазына" Жылжымайтын мүлік қоры" АҚ 2 865 үлескерлердің проблемаларымен айналысуда.
