Сан-Диего қаласында белгісіз біреу көшедегі адамдарға оқ жаудырды
АСТАНА. ҚазАқпарат - Белгісіз біреулер Сан-Диего қаласында ( Калифорния штаты) көшедегі адамдарға оқ жаудырған. Бұл туралы жергілікті CBS телеарнасы хабарлады.
Оның деректеріне қарағанда, оқыс оқиға 11:10-да қаланың оңтүстік бөлігінде рок-н-ролль марафоны жолында болған.
Телеарнаның атап өтуінше, қазіргі уақытта жағдай толықтай полицияның бақылауында.
Рок-н-ролль марафоны - көше әншілерінің, бишілер мен чирлидерлердің қатысуымен өтетін жарыс.
Ол жыл сайын әлемнің көптеген қалаларында ұйымдастырылады.
