Санчес: Головкин Мэйвезерді нокаутпен жеңер еді
АСТАНА. ҚазАқпарат - WBA нұсқасы бойынша орташа салмақтағы әлем чемпионы Геннадий Головкиннің жаттықтырушысы Абель Санчес қазақстандықтың әлем чемпионы кіші Флойд Мэйвезерді екі салмақ дәрежесінде де нокаутпен жеңер еді, деп мәлімдеді.
«Геннадий Мэйвезерді нокаутқа түсірер еді. Ол оған Рубиоға істегенін жасар еді деп ойламаймын. Флойд Мейвезер өте жақсы боксшы. Ол біреу ол туралы айтатын болса, қай кезде де оның аузын жаба алатынын дәлелдеді. Ол 47 кездесуді ұтты. Олар кездеспейінше біз оны білмейміз және ойымызға не келеді соны айтамыз. Мен Геннадий оны 12 раундқа жеткізбей ертерек тоқтатар еді деген сенімдемін. Қиын болса да, Геннадийдің қолынан келеді», - деп келтіреді Санчестің сөзін Boxingscene.
