Санкт-Петербордан Өзбекстанға бағыт алған ұшақ шұғыл Ақтөбеге қонды
Өзбекстанның Qanot Sharq әуе компаниясының Санкт-Петербордан Самарқанға ұшып бара жатқан ұшағы Қазақстанның Ақтөбе әуежайына шұғыл қонды, деп хабарлайды Kazinform «Uzbekistan Airports» компаниясының баспасөз қызметіне сілтеме жасап.
Баспасөз мәліметтеріне қарағанда, ұшақтың қонуына жолаушылардың бірінің денсаулығының нашарлауы себеп болған. Ұшақ жақын арада қайтадан ұшады деп күтілуде.
«Qanot Sharq әуе компаниясының Санкт-Петербург-Самарқанд бағытындағы HH786 рейсінде жолаушылардың бірінің денсаулығы нашарлады. Осыған байланысты ұшақ Ақтөбе облысының халықаралық әуежайындағы балама аэродромға қонуға мәжбүр болды»,-делінген хабарламада.
Экипаж бортқа жедел жәрдем көлігін шақырды. Ұшақ Ақтөбеге Астана уақытымен 15:48-де қонды. Алдағы уақытта Самарқан әуежайына ұшады деп жоспарлануда.
