Санкт-Петербургте өтетін WTA Tour финалына Путинцева алғаш рет қатысады
АСТАНА. ҚазАқпарат - Қазақстандық теннисші Юлия Путинцева өз мансабында алғаш рет Санкт-Петербургте өтетін WTA Tour (әйелдер теннисінде маңыздылығы жағынан «Үлкен шлемнен» кейінгі орында) турнирінің ақтық ойынына жолдама алды.
Жұма күні ол St. Petersburg Ladies Trophy турнирінің жартылай финалында әлемнің бесінші ракеткасы, словакиялық Доминика Цибулкованы 3:6, 6:4, 6:4 есебімен жеңді.
Әйелдер теннис қауымдастығының (WTA) бір разрядты рейтингінде 34-орында тұрған Путинцева Санкт-Петербург турнирінен кейін алғаш рет әлемнің үздік 30 теннисшісі қатарына енеді, деп хабарлайды sports.kz.
