Сапарбай Айдаров кәсіби бокстағы алғашқы айқасында қарсыласын нокаутқа түсірді

АСТАНА. ҚазАқпарат - Қазақстандық боксшы Сапарбай Айдаров кәсіби мансабын жеңіспен бастады, деп хабарлайды Sports.kz.

Оның кәсіби рингтегі алғашқы қарсыласы 24 жастағы үндістандық Харш Пурохит (0-1) болды Айдаров жекпе-жекті төртінші раундта техникалық нокаутпен аяқтады. Мұның алдында қазақстандықтың қарсыласы нокдаунға түскен еді.

Айта кетейік, Сапарбай Айдаров 75 келіге дейінгі салмақ дәрежесінде Қазақстан чемпионы. Сондай-ақ, ол «Astana Arlans» клубының құрамында өнер көрсетті. Айдаров кәсіби мансабын екінші орта салмақта бастаған болатын.