«Сарыарқа» газ құбыры Ресей газ құбырымен қосылуы мүмкін

«Сарыарқа» газ құбыры Ресей газ құбырымен қосылуы мүмкін
Фото: abai.kz

«Сарыарқа» газ құбырын Ресей газ құбырымен қосу мүмкіндігі қарастырылып жатыр. Бұл туралы Энергетика министрлігінен мәлім етті, деп хабарлайды Kazinform. 

«2022 жылы «Сарыарқа» магистральдық газ құбырының 2,3-кезегінің құрылысы» техникалық-экономикалық негіздемесі жасалған. «Сарыарқа» магистральдық газ құбыры «Бейнеу-Бозой-Шымкент» газ құбырынан газ алатынын, оның алдыңғы 2022-2023 жылдардағы қысқы кезеңде 106 пайыз жүктелгенін ескере отырып, жобаны іске асыру «Бейнеу-Бозой-Шымкент» магистральдық газ құбырының 2-ші желісінің құрылысы аяқталғаннан кейін мүмкін болады. Қазіргі уақытта «Бейнеу-Бозой-Шымкент» газ құбырының 2-ші желісінің құрылысы» техникалық-экономикалық негіздемесі әзірленіп жатыр. 2024 жылдың 2-тоқсанында аяқталады. Жобаны 2026 жылы аяқтау жоспарланған», - деп атап өтеді министрліктен агенттіктің ресми сауалына орай.

Осы орайда министрлік «QazaqGaz» ҰК» АҚ «Сарыарқа» магистральдық газ құбыры 4-ші кезегінің құрылысының техникалық-экономикалық негіздемесін түзету бойынша корпоративтік рәсімдерді бастағанын атап өтеді. Түзету аясында газ құбырының өткізу қабілетін сағатына 606 мың текше метрден 801 мың текше метрге дейін ұлғайту үшін 2 компрессорлық станса салу қарастырылады.

«Балама нұсқа ретінде «Сарыарқа» магистральдық газ құбырын Ресей Федерациясының газ құбырымен қосу мүмкіндігі қарастырылып жатыр. «Газпром» ЖАҚ еліміздің солтүстік-шығыс аймақтарын газдандыру жобасының алдын ала техникалық-экономикалық негіздемесін әзірлеуде. Жоғарыда айтылғандарды ескере отырып, ТЭН және бастапқы мәліметтерді алғаннан кейін (газ бағасы, газ құбырларының бағыттары және т.б.) газдандырудың оңтайлы нұсқасы әзірленетін болады», - деді ведомстводан.

Соңғы жаңалықтар
telegram