Сәрсенбі күні 4 қалада ауа сапасы нашарлайды
АСТАНА. ҚазАқпарат - Сәрсенбі, 27 ақпан күні Қазақстанның 4 қаласында жағымсыз метеорологиялық жағдай күтіледі, деп хабарлайды ҚазАқпарат.
«Қазгидромет» РМК-ның ақпаратына сүйенсек, Ақтау, Ақтөбе, Талдықорған және Шымкент қалаларында ауа сапасы нашарлайды.
Ал еліміздің өзге қалаларында метеожағдай қалыпты болады.
Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
ҚМЖ жағдайында елді мекендердегі атмосфералық ауаның сапасы нашарлауы ықтимал.
