Сәрсенбіде Қазақстанның солтүстік облыстарында тұман түсіп, көктайғақ болады
АСТАНА. ҚазАқпарат - Бүгін Республиканың солтүстік, солтүстік-батыс және орталық аудандарында атмосфералық фронттардың өтуіне байланысты қар, тұман, көктайғақ болып, жел соғады.
Бұл туралы ҚР ІІМ ТЖК баспасөз қызметі хабарлайды.
Жамбыл, Қызылорда, Батыс Қазақстан, Атырау, Ақтөбе, Қостанай, Шығыс-Қазақстан, түнде және таңертең Оңтүстік Қазақстан, Маңғыстау облыстарының кей жерлерінде тұман күтіледі.
Алматы облысының кей жерлерінде түнде тұман күтіледі, Жалаңашкөл ауданында жел 18-23 м/с, күндіз желдің екпіні 28 м/с-ға дейін күшейеді.
Солтүстік Қазақстан облысының кей жерлерінде тұман күтіледі, көктайғақ, жаяу бұрқасын күтіледі. Павлодар облысының кей жерлерінде көктайғақ болады, күндіз жел 15-20 м/с-ға дейін күшейеді.
Қарағанды облысының кей жерлерінде көктайғақ, түнде және таңертең тұман болып, жел 15-20 м/с-ға дейін күшейеді.
