«Сарыарқа» хоккей клубы қатарынан бесiншi рет жеңiске жеттi
АСТАНА. 11 қаңтар. ҚазАқпарат - Қарағандылық «Сарыарқа» хоккей командасы Жоғары хоккей лигасы чемпионатында өз алаңында Тверь қаласынан келген ТХК командасынан овертаймда басым түсiп, қатарынан бесiншi жеңiсiне қол жеткiздi. Бұл туралы vesti.kz хабарлады.
Қарағандыда өткен матч 2:1 есебiмен аяқталды. Айта кету керек, таблодағы есеп ойынның тек 30-шы минутында ашылды. Қарағандылық форвард Вадим Голубцов «Сарыарқа» клубын алға шығарды. Алайда ойынның аяқталуына жиырма минут қалғанда Максим Картошкин матчты овертаймға ауыстырды.
Қазақстандық командаға Алан Мартин Гуленiң соққысы жеңiс әпердi.
