«Сарыарқа» хоккей клубының бас бапкері тағайындалды

АСТАНА. ҚазАқпарат - Александр Соколов «Сарыарқа» хоккей клубының бас бапкері болып тағайындалды.

59 жастағы маман бұған дейін жастар хоккей лигасында өнер көрсететін «Реактор» ЖХК бас жаттықтырушысы қызметін атқарған. Соколовтың басшылығындағы «Реактор» командасы 2017 жылы ЖХЛ чемпионатының финалына шығып, күміс медалді қанжығасына байлады.

Соколовтың бапкерлік штабында бас бапкер Дмитрий Крамаренко бар. Ол Қарағанды хоккей мектебінде тәлім алған. 2016-2017 жылғы маусымда маман жаттықтырған Қазақстан чемпионатында «Сарыарқаның» фарм-клуб саналатын «Теміртау» командасы «күміс» жүлдеге ие болған.

Сонымен қатар, Соколовқа бапкерлік қызметте қақпашылар жаттықтырушысы - Артём Яцкевич көмектесетін болады. Ол 2015-2016 жылғы маусымда қарағандылық ұжымның ішінде қақпашыларды жаттықтырған.