Сәтбаев қаласындағы Жезқазған кенті таратылады
АСТАНА. KAZINFORM – Ұлытау облысының Сәтбаев қаласындағы Жезқазған кенті таратылады. Ресми құжат ашық нормативтік-құқықтық актілер порталында жарияланды.
«Ұлытау облысы Сәтбаев қаласының өкілді және атқарушы органдарының пікірін ескере отырып, Ұлытау облысының әкімдігі қаулы етеді және Ұлытау облыстық мәслихаты ШЕШІМ ҚАБЫЛДАДЫ: Жезқазған кенті Сәтбаев қаласының әкімшілік-аумақтық бағынысына енгізіліп, кейіннен есептік деректерден алып тастай отырып, Жезқазған кенті таратылсын»,- делінген ресми құжатта.
Кент Жезқазған қаласынан солтүстік-батысқа қарай 25 шақырым, Сәтбаев қаласынан оңтүстік-батысқа қарай 5 шақырым жерде орналасқан. Іргесі дүние жүзіндегі аса ірі Жезқазған мыс кенін игеруге байланысты 1907 жылы қаланған. 1937 жылдан кент саналып келді.
