Сауд Арабиясында ауруханадағы өрт салдарынан 25 адам қаза тапты
АСТАНА. ҚазАқпарат - Джизан қаласындағы ауруханадан шыққан өрт салдарынан 25 адам қаза тауып, жарақат алып, күйік шалғандар саны 100-ден асты, деп хабарлады Сауд Арабиясы азаматтық қорғаныс агенттігі.
Жалын таңертең ерте жансақтау бөлімінен шыққан. Өрт сөндірушілер тілсіз жаумен әлі де алысуда, деп хабарлады Би-Би-Си.
Әзірге өрттің шығу себебі белгісіз. Азаматтық қорғаныс агенттігінің хабарлауынша, өрттің шығу себебі анықталып жатыр.
