Сауд Арабиясында әйелдерді ұрып-соғуға тыйым салынды
АСТАНА. 31 тамыз. ҚазАқпарат - Сауд Арабиясының тарихында тұңғыш рет отбасындағы зорлық-зомбылықтың алды-алуға арналған әлеуметтік мәні бар бағдарлама қабылданды, деп хабарлайды muslim.kz.
Осы науқан аясында көзі көгерген әйелдің суреті ілінді. Суреттің астында «Кейбір нәрселерді жасыру мүмкін емес» деп жазылған
Сауд Арабиясының тұрғындары үшін бұл бағдарлама қыз-келіншектерге қатысты оң өзгерістің белгісі болып табылады. Аталмыш бағдарламаны Сауд Арабиясын 1975 жылдан 1982-ші жылға дейін басқарған король Халид атындағы қор жүзеге асырады.
Королдік қордың сайтындағы хабарға қарағанда, ел аумағында әйелдерді ұрып-соғу кеңінен етек алған. Патриархалдық құрылым үстемдік еткен елде осынау келеңсіз оқиғалар құпия күйінде қалып қойып жататыны жасырын емес.
