Сауда орталығында бомба бар деп хабарлаған баласының әзілі үшін ата-анасы 95 мың теңге төлейді
ПАВЛОДАР ОБЛЫСЫ. 11 мамыр. ҚазАқпарат - Ертіс ауданының сотында кәмелеттік жасқа толмаған баланың ата-анасынан материалдық шығынды өтеп алу жөнінде азаматтық іс қаралды,
деп хабарлады мекеменің баспасөз қызметі.
Жеткіншек полицияға Павлодардың сауда орталығында бомба құрылғысы бар екендігін хабарлаған. Ол жерге полиция қызметкерлері, ҰҚКД барды, ғимаратты тексеру операциясына ТЖД-нің күштері тартылды. Жоқ бомбаны іздеуге қаншама уақыт және 95,8 мың теңге мөлшерінде қаражат жұмсалды.
Сот мемлекет мүддесіне сәйкес лаңкес туралы жалған ақпарат таратқан баланың ата-анасына қатысты прокурордың арызын толығымен қанағаттандырды.
Үкім заңды күшіне енді.
