Сәуірде елімізде азық-түлік тауарларының бағасы 13,1 пайызға өсті

Бұл туралы ҚР Ұлттық экономика министрлігінің баспасөз қызметінен хабарлады.

2016 жылғы сәуірде 2015 жылғы сәйкесінше кезеңмен салыстырғанда баға қантқа 45,1, кофе, шай және какаоға - 27,3, май және тоң майға - 26,3, жармаларға - 24,4, нанға - 22,4, балық және теңіз өнімдеріне - 21,2, кондитерлік өнімдерге - 19,5, тоқаш және ұн өнімдеріне - 16,8, макарон өнімдеріне - 14,3, жемістер мен көкөністерге - 12,3, алкогольді ішімдіктерге - 10,9, ұнға - 9,2, сүт өнімдеріне - 7,5 пайызға өсті», - делінген хабарламада.

Сонымен қатар ведомство ақпаратына қарағанда, аталған кезеңде ет және ет өнімдері бағасының өсімі 5 пайызды құрады. Шұжық өнімдеріне, құс етіне баға деңгейі 9,5, сиыр етіне - 3,3, шошқа етіне - 1,7, қой етіне - 1,5, жылқы етіне - 0,5 пайызға жоғары болды.