Саян-Шушенск ГЭС-інде соңғы қаза тапқандардың мүрделері табылды

АСТАНА. Қыркүйектің 4-і. ҚазАқпарат - Хакасиядағы Саян-Шушенск ГЭС-інде болған апатта тамыздың 17-сінде қаза тапқандардың екеуінің дене бөлшектері табылды және олар мәйітханаға жеткізілді. Бұл жөнінде Хакасиядағы медицина мекемелерінің біріндегі адам мәлім еткен,

деп хабарлайды ҚазАқпарат РИА «Новости» агенттігіне сілтеме жасап.

«Қаза тапқан барлық 75 адамның мүрделері табылды деп толық айтуға болады. Мәйітханада мамандар табылған дене бөлшектерімен жұмыс істеуде», - деді агенттіктің сұхбаттасушысы.