Сайлау Батыршаұлы Қазақстанның БҰҰ-дағы беделі туралы айтты
Дипломатия ардагері, профессор Сайлау Батыршаұлы Қазақстанның БҰҰ-дағы ықпалы туралы әңгімеледі, деп хабарлайды Kazinform.
Бүгін Астанада өткен SöZ Astana Public Talk пікірталас алаңында Қазақстан дипломатия қызметінің ардагері, Л.Н. Гумилев атындағы ЕҰУ профессоры, экономика ғылымдарының докторы Сайлау Батыршаұлы Қазақстанның БҰҰ-дағы рөліне тоқталды.
Оның айтуынша, Қасым-Жомарт Тоқаевты БҰҰ Бас хатшысының орынбасары және БҰҰ-ның Женевадағы кеңсесінің бас директоры қызметіне тағайындау жөнінде шешім қабылданған кезде БҰҰ Қазақстанның экономикалық, әскери және стратегиялық әлеуетін жоғары бағалаған.
Сайлау Батыршаұлы тағы бір маңызды фактор — әрине, Қасым-Жомарт Тоқаевтың Қытай, Сингапур және басқа да көптеген халықаралық комиссиялардағы мол жұмыс тәжірибесі екенін атап өтті.
Спикердің айтуынша, БҰҰ-ның Женевадағы кеңсесінің бүкіл жұмысына жауапты болған Қасым-Жомарт Тоқаевтың еңбегіне Бас хатшы Пан Ги Мун жоғары баға берген.
Соның арқасында Қазақстан БҰҰ Қауіпсіздік кеңесінің тұрақты емес мүшесі атану мүмкіндігіне ие болды.
