Сайлау қорытындысы бойынша Қырғызстан парламентіне алты партия өтетін болды
АСТАНА. ҚазАқпарат - Қырғыз Республикасында жексенбі күні өткен парламент сайлауының қорытындысы бойынша, 6 партия парламенттің жаңа құрамына өту үшін қажетті дауыс жинады, Қырғызстан Социал-демократиялық партиясы көш бастады, деп хабарлады «РИА Новости» агенттігі.
ҚР Орталық сайлау комиссиясының хабарламасында 2,7 млн халықтың сайлауға 514 мыңы қатысқаны айтылған. Ақпаратқа сүйенсек, ОСК баспасөз қызметіндегі мониторларда ҚСДП - 26,8%, «Республика-Ата Жұрт» (21,12%), «Қырғызстан» (12,42%), «Онугуу-Прогресс» (9,1%), «Бир-Бул» (8,5%), «Ата-Мекен» (7,7%) дауыс жинағаны көрсетілді.
