Щучинскіде ер адам пәтеріндегі ірі өртте мерт болды - ҚР ТЖМ

АСТАНА. 18 наурыз. ҚазАқпарат - Щучинск қаласында тұрғын үйде болған өрт орнында 33 жастағы ер адамның мәйіті табылды, деп хабарланды ҚР ТЖМ-нан.

Кеше Ақмола облысының Щучинск қаласында «Бурабай ауылшаруашылық техникумы» шағынауданында екі пәтерлі тұрғын үйде өрт болды. Жалын шарпыған аумақ 80 шаршы метрді құрады. Өртті сөндіру барысында 33 жастағы ер адамның мәйіті табылды.

Тілсіз жауды ауыздықтауға ҚР ТЖМ Ақмола облысы бойынша ТЖД өртке қарсы қызметінің 20 адамы мен 4 техникасы жұмылдырылды.