Семейде 13 көппәтерлі тұрғын үй салынбақ

көппәтерлі тұрғын үй
Фото: Абай облысы әкімдігінің Ішкі саясат басқармасы

СЕМЕЙ. KAZINFORM - Семейде тағы бір көпфункционалды кешен пайда болмақ. Кешенді «Локомотив» стадионының аумағында салу ойластырылуда, деп хабарлайды Абай облысы әкімдігінің баспасөз қызметі. 

«Семей қаласының құрылыс бөлімі» ММ басшысы Руслан Сақтағанов Абай облысының өңірлік коммуникациялар қызметінде өткен баспасөз конференциясында тұрғын үй секторында да құрылыс қарқынын белсенді дамыту жалғасып жатқандығын атап өтті.

тұрғын үй
Фото: Абай облысы әкімдігі

- 2023 жылы 21 көппәтерлі тұрғын үйдің құрылысы басталды және жобалар ауыспалы болып табылады. Сондықтан құрылыс әлі де жалғасуда. Салынып жатқан үйлерді 3-тоқсанда пайдалануға беру жоспарланған. Жиырма бір үйде 1 352 пәтер болады деп есептелінген. Барлық пәтерлердің жалпы ауданы 82 мың шаршы метр, - деді Руслан Сақтағанов.

Сондай-ақ, бөлім басшысы Семейде тұрғын үйлерден басқа мектептер де салынып жатқанын жеткізді.

- Ағымдағы жылдың 2 тоқсанында 712 пәтерлі 13 көппәтерлі тұрғын үй құрылысын бастау жоспарлануда. Құрылыс негізінен қаладағы ең белсенді дамып келе жатқан Қарағайлы шағын ауданында жүргізіледі. Сонымен қатар, 1 300 орындық мектептің құрылысы басталды. Водный кентінде тағы бір мектеп салынуда, бұдан басқа ағымдағы жылы Ақсай, Шығыс кенттерінде және Қарағайлы шағын ауданында тағы үш білім беру мекемесінің құрылысы басталады. 2023 жылы Семей қаласының әкімдігі мен «Қазминералс-Демеу» корпоративтік қоры арасындағы келісім бойынша Заря шағын ауданында 1200 орындық мектеп құрылысы басталды, - деп толықтырды Руслан Сақтағанов.

Соңғы жаңалықтар