Семейде биыл 100-ден астам көше жарықтандырылады
СЕМЕЙ. ҚазАқпарат – Семей қаласында осы жылы 100-ден астам көше жарықтандырылады, деп хабарлайды ҚазАқпарат тілшісі.
Қала әкімдігінің мәліметіне сүйенсек, Семейдің бірнеше көшесіне жарық тартылды. Бұл Сыбанов, Береговая және Кубинская көшелері.
«Сыбанов көшесінде 36 тірек, кронштейндер мен шамдар орнатылды. 1 440 сым желісі тартылды. Береговая көшесі бойынша Щорс көшесінен Центральная көшесіне дейін 31 тірек қойылып, 1 240 метр сым тартылды. Ал Кубинская көшесіне 37 тірек және 35 жарықдиодты шам орнатылған. Жыл басынан бері шаһар бойынша 20-дан астам көше жарықтандырылды», - деді қала әкімі Бақытжан Байахметов.
Оның айтуынша, 2022 жылдың соңына дейін барлығы 100-ден астам көшеге жарық тарту жоспарланып отыр.
