Семейде орнатылған жаңажылдық мүсіндерге бюджеттен қаржы бөлінбеген - әкімдік
СЕМЕЙ. ҚазАқпарат - Семей әкімдігі қалада орнатылған жаңажылдық мүсіндергі қатысты пікір білдірді, деп хабарлайды ҚазАқпарат.
«Семей қаласы әкімдігінің өтініші бойынша мультфильм кейіпкерлері түріндегі шағын сәулет нысандарын Астана әкімдігі қаламыздың балансына ұсынды. Мүсіндерді сатып алуға бюджеттен ақша бөлінбеді. Сыйға тартылған ескерткіштің жалпы саны - 36, оның 14-і қалада жаңа жыл қарсаңында орнатылды» деп мәлім етті әкімдік.
Жаңажылдық мүсіндер - «Пони» 3 фигура, «Смурфтар» 2 фигура, «Панда және Жолбарыс» 2 фигура, «Винни пух және Есек» 2 фигура, «Смешарики» 2 фигура, «балық» 2 фигура.
Этностильдегі 22 фигура Наурыз мерекесі қарсаңында қала ішіне орнатылады.
Фото: t.me/semeyakimdigi
