Семейде татар жексенбілік мектебі ашылды
СЕМЕЙ. Қыркүйектің 14-і. ҚазАқпарат /Лина Славина/ - Семей қаласындағы Достық үйінде татар тілін оқып-үйренетін жексенбілік мектеп ашылды. Бұрын татар диаспорасының өкілдері 4 жыл бойы қоғамдық ұлттық мәдени орталық жанындағы тіл курстарында ғана оқып келген еді.
Татар тілінің мұғалімі Рауза Зарипованың ақпаратына қарағанда, жексенбілік мектеп заманауи оқулықтармен, тілашарлармен және сөздіктермен жеткілікті қамтамасыз етілген.
