Семейде үш қабатты монша кешені өртеніп жатыр

АСТАНА. KAZINFORM — Төтенше жағдайлар қызметі баспасөз қызметі мәлім еткендей, зардап шеккендер туралы 112-ге ақпарат түскен жоқ.

Осы сәттерде өрт сөндірушілер Семей қаласының Шугаев көшесінде жеке тұрған үш қабатты монша кешенінің өртін сөндіруде.

— Өрт сөндірушілер жоғары дәрежемен жұмыс істеуде. Зардап шеккендер туралы 112-ге ақпарат түскен жоқ. Оқиғаның мән-жайы анықталуда, — делінген ведомство хабарламасында.

Еске салсақ, бүгін Ақтөбе облысы Мәртөк ауданы Сарыжар ауылында тікұшақ апатқа ұшырып, жанып кетті.

Экипаждағы адамдардың біреуі оқиға орнында көз жұмды.

Екі науқасты күйік шалған. Олар Ақтөбе облыстық көпсалалы ауруханада ем қабылдап жатыр.