Семейдегі орман өрті сөндірілді

НҰР-СҰЛТАН. ҚазАқпарат - «Семей орманы» мемлекеттік орман табиғи резерваты аумағындағы қарағайлы орман өрті сөндірілді. Бұл жайында ҚР ІІМ Төтенше жағдайлар комитетінің баспасөз қызметінен мәлім етті, деп хабарлайды ҚазАқпарат тілшісі.

«Өрт сағат 19-00-де сөндірілді. Қызыл жалын шарпыған аумақ 3 948 гектарды құрайды. Өртті сөндіруге жұмылдырылған Шығыс Қазақстан және Ақмола облыстық төтенше жағдайлар департаменттерінің мамандары мен құралдары тұрақты орналасқан жерлеріне оралуда», - деді комитеттен.