Семсерлесуден лицензиялық жарысқа кімдер барады

АСТАНА. KAZINFORM – 27-28 сәуір күндері Біріккен Араб Әмірліктерінің Фуджейра қаласында семсерлесуден өтетін Азия аймақтық іріктеу турнирінде ел намысын қорғайтын қазақстандық спортшылар белгілі болды.

ҚР Ұлттық олимпиадалық комитеті мәлім еткендей, төртжылдық додасына жолдама беретін жарысқа 28 елдің спортшылары қатысады. Олардың қатарында Қазақстаннан 5 спортшы сынға түседі.

Қазақстан атынан төмендегі спортшылар бақ сынайды:

Әйгерім Сарыбай - семсер

Артем Саркисян - семсер

София Николайчук - шпага

Ғалым Нұрымов - рапира

София Ақтаева - рапира

Айта кетелік, мұнда әрбір қару түрінен бір жолдамадан ойнатылады. Сондықтан, Париж Олимпиадасына жолдама алу үшін тек қана бірінші орын иелену керек.