Сенат депутаттары «АЛЖИР» мемориалдық мұражай кешенінде болды

АСТАНА. ҚазАқпарат - 30 мамырда Саяси қуғын-сүргін құрбандарын еске алу күні қарсаңында Сенат депутаттары «АЛЖИР» мемориалдық мұражай кешенінде болып, «Естелік қабырғасына» гүл шоқтарын қойды.

Айта кетейік, Ақмола маңында орналасқан «Алжир» мемориалдық кешені - 1937 жылдары қуғын-сүргін құрбандарына арналған мұражай. Бұл жерде қуғыншылыққа ұшыраған азаматтардың әйелдері тұтқынға ұсталған лагерь орналасқан болатын.