Сенат депутаттары Қызылағаш ауылындағы апатқа орай бір күндік жалақыларын қайырымдылық шотына аударды
АСТАНА. Наурыздың 18-і. ҚазАқпарат /Қанат Мәметқазыұлы/ - Бүгін ҚР Парламенті Сенатының Төрағасы Қасымжомарт Тоқаевтың жетекшілігімен өтіп жатқан палатаның жалпы отырысы Алматы облысы,
Ақсу ауданы, Қызылағаш ауылындағы апаттан қайтыс болған отандастарды үнсіздікпен еске алумен басталды. Сондай-ақ Сенат төрағасы Қ. Тоқаевтың ұсынуымен палата депутаттары бір күндік жалақыларын апаттан зардап шеккендерге арналған қайырымдылық шотына аударды, деп хабарлайды ҚазАқпарат.
