Сенат комитетінде «Қазақстан Республикасының ұлттық қауіпсіздігі туралы» заң жобасы талқыланды
АСТАНА. 12 желтоқсан. ҚазАқпарат - Бүгін Сенаттың Халықаралық қатынастар, қорғаныс және қауіпсіздік комитетінде «Қазақстан Республикасының ұлттық қауіпсіздігі туралы» заң жобасы талқыланды, деп хабарлайды ҚР Парламенті Сенатының баспасөз қызметі.
«Қазақстан Республикасының ұлттық қауіпсіздігі туралы» заң жобасы ұлттық қауіпсіздіктің тиімді тетіктерін қалыптастыруға бағытталған. Заң жобасында мемлекеттік органдар мен лауазымды тұлғалардың ұлттық қауіпсіздікті қамтамасыз етудегі өкілеттіктері, олардың қызметін ұйымдастырудың құқықтық негіздері белгіленді, Қазақстан Республикасының қазіргі замандағы ұлттық мүддесі және қауіпсіздікке төнетін қатерлеріне мән беріледі.
Заң жобасы палатаның қарауына жіберілді.
