Сенатор Ақан Бижанов Алматының Әуезов ауданында болды

АЛМАТЫ. 26 сәуір. ҚазАқпарат /Ербол Азанбек/ - Бүгін сенатор Ақан Бижанов Алматының Әуезов ауданының активімен кездесті.

Кездесу аудан әкімі Бекқали Торғаевтың төрағалығымен өтіп, Елбасы Н.Назарбаевтың «Болашақтың іргесін бірге қалаймыз» Жолдауын жүзеге асыру және қабылданған әлеуметтік бағдарламалар жайы талқыланды. А.Бижанов өз сөзінде Жолдаудың мән-жайы мен ондағы басым бағыттарды түсіндіріп, сауалдарға жауап берді. Сенатор бұған дейін де Алматының бірнеше ауданында болып, Елбасы Жолдауы, әлеуметтік бағдарламалар бойынша жұртшылықпен кездесу өткізген болатын.