Сенаторлар жалпы отырыста Сенат пен Мәжіліс арасындағы келіспеушіліктерді қарау және еңсеру жөніндегі келісім комиссиясының құрамына депутаттар сайлады

АСТАНА. Маусымның 4-і. ҚазАқпарат /Айдар Оспаналиев/ - Сенаторлар жалпы отырыста Сенат пен Мәжіліс арасындағы келіспеушіліктерді қарау және еңсеру жөніндегі келісім комиссиясының құрамына депутаттар сайлады,

деп хабарлайды ҚазАқпарат.Естеріңізге сала кетейік, Парламенттің қос палатасы өкілдерінің арасындағы келіспеушіліктер «Қазақстан Республикасының кейбір заңнамалық актілеріне фитосанитариялық қауіпсіздік мәселелері бойынша өзгерістер мен толықтырулар енгізу туралы», «Қазақстан Республикасының кейбір заңнамалық актілеріне ветеринария мәселелері бойынша өзгерістер мен толықтырулар енгізу туралы», «Қазақстан Республикасының кейбір заңнамалық актілеріне қала құрылысын жоспарлаған, жер учаскелерін бөлген, құрылысты жобалаған және салған кезде су қорғау және табиғат қорғау тәртібін сақтау мәселелері бойынша өзгерістер мен толықтырулар енгізу туралы» және «Қазақстан Республикасының кейбір заңнамалық актілеріне зияткерлік меншік мәселелері бойынша өзгерістер мен толықтырулар енгізу туралы» заң жобалары бойынша туындап отыр.