Сенбі күнгі ауа райы болжамы
АСТАНА. ҚазАқпарат - Қазгидромет 17 желтоқсан күнгі ауа райы болжамын жариялады, деп хабарлайды ҚазАқпарат.
ҚР аумағының басым бөлігіне әлі де Монғол антициклоны әсер ететін болғандықтан жауын-шашынсыз ауа райы сақталады.
Тек еліміздің оңтүстік-батысында және орталығында атмосфералық фронталды бөліктердің өтуімен аздаған қар жауады.
Республиканың шығысында, оңтүстік-шығыс және оңтүстіктің таулы аудандарында желдің күшеюі күтіледі. Атырау, Маңғыстау облыстарында, Түркістан, Жамбыл облыстарының таулы аудандарында тұман түседі.
Жетісу облысының Алакөл ауданында оңтүстік-шығыстан соғатын желдің күшеюі сақталады, жел 23-28 м/с, кей уақыттарда 30 м/с жылдамдықпен соғады.
