Сенбі күні 4 қалада ауа ластанады
НҰР-СҰЛТАН. ҚазАқпарат – 5 желтоқсан күні Қазақстанның 4 қаласында қолайсыз метеорологиялық ахуал күтіледі, деп хабарлайды ҚазАқпарат.
«Қазгидромет» РМК мәліметінше, Ақтөбе, Тараз, Шымкент және Өскемен қалаларында ауа ластануының жағымсыз метеожағдайы қалыптасады.
Қалған шаһарларда ауа сапасы норма шегінде болады.
Қолайсыз метеорологиялық жағдай - атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
ҚМЖ жағдайында елді мекендердегі атмосфералық ауаның сапасы нашарлауы ықтимал.
