Сенбі күні Қазақстанның басым бөлігінде жауынды болады

АСТАНА. ҚазАқпарат - Сенбі күні Қазақстанның басым бөлігінде жауын жауады, жел күшейіп, тұман, көктайғақ болады деп күтілуде. Республиканың батысында ғана күн ашық болмақ, деп хабарлады «Қазгидромет» РМК.

Алматы облысының кей аудандарында жел 17-22 м/с-қа дейін күшейеді.

Жамбыл, Оңтүстік Қазақстан, Қарағанды, Шығыс Қазақстан облыстарында желдің күші 15-20 м/с-қа дейін жетеді, Жамбыл облысының кей аудандарында тұман түседі деп күтілуде. Қостанай, Солтүстік Қазақстан облыстарының кей жерлерінде тұман түсіп, Қостанай облысының кей жерлерінде көктайғақ болады.