Сербияда президент сайлауы өтуде

Дауыс берушілер 11 үміткердің арасынан елді бес жыл бойы басқаратын кандидатты таңдайды, деп хабарлайды ТАСС.

Сайлауға елдің 6,7 млн азаматы қатысуға құқылы.

Республикалық сайлау комиссиясынан хабарлағандай, барлығы 8 523 сайлау учаскесі, соның ішінде Косово және Метохия автономиялық өлкесінің аумағында 90 учаске жұмыс істейді.

Қоғам арасында жүргізілген сауалнама нәтижесіне сәйкес, халықтың 54,3 пайызы Сербияның қазіргі премьер-министрі Александар Вучичті қолдап отыр. Екінші орында бұрынғы омбудсмен Саша Янкович («Үрейсіз Сербия» азаматтар тобы) (сайлаушылардың 12,8%-ы) тұр. Үшінші орынды Любиша Прелетачевич Белый лақап атымен кеңінен танылған әлеуметтанушы-студент Лука Максимович (9,5%) иеленген.

Сербия парламенттік республика болып табылады, бұл елдің мемлекет басшысы негізінен өкілеттік ету функцияларын атқарады.