Серена Уильямс Мария Шарапованы қатарынан 18-ші рет тізе бүктірді
АСТАНА. ҚазАқпарат - Бүгін Австралия ашық чемпионатының ширек финалдық бәсекесінде әлемнің екі мықты тенисшісі Серена Уильямс пен Мария Шарапова бақ сынасты.
Астана уақытымен 9 сағат 32 минутта аяқталған бәсекеде америкалық Серена Уильямс ресейлік Мария Шарапованы 6:4, 6:1 есебімен ұтып, жартылай финалға шықты.
Енді ешкімге дес бермей келе жатқан Серена Уильямс жартылай финалда польшалық Агнешка Радваньскаямен кездесетін болады. Өз кезегінде Агнешка бүгін таңмен испаниялық Карла Суарес Наварроны жарыс жолынан шығарып тастаған болатын.
Айта кетейік, Серена Уильямс Мария Шарапованы 18-ші рет тізе бүктірді.
