«Сергек» камераларының көмегімен Атырауда үш айда 97 қылмыс ашылды
АТЫРАУ. ҚазАқпарат – Атырауда «Сергек» камераларының көмегімен үш айда 97 қылмыс ашылған, деп хабарлайды ҚазАқпарат.
Облыс әкімі баспасөз қызметінің мәліметіне сүйенсек, Атырау қаласында «Сергек» бейнебақылау жүйесінің 2 748 камерасы орнатылған.
«Биылғы жылдың екі айында «Сергек» бейнебақылау камерасы арқылы 21 578 ереже бұзу дерегі анықталды. Ал сәуір айының 13 күнінде жол қозғалысы ережелерін бұзуға қатысты 6 394 факті тіркелген. Оның ішінде жылдамдықты арттырғандар саны – 4 244. Жыл басынан бері бейнекамералардың көмегімен 97 қылмыс ізі суымай ашылды», - деп мәлім етті әкімдіктің баспасөз қызметінен.
Қазір облыста 3500-ден астам бейнекамера орнатылған. Оның ішінде 750 бейнебақылау камерасы интеграцияланған.
