Серік Сәпиев жанкүйерлерді «Astana Arlans»-қа қолдау көрсетуге шақырды
АЛМАТЫ. ҚазАқпарат - Қазақстандық боксшы, 2012 жылғы олимпиада (Лондон) чемпионы Серік Сәпиев жанкүйерлерді жаңа маусымда «Astana Arlans» клубына қолдау көрсетуге шақырды, деп жазады Sports.kz
«17 қаңтарда «Astana Arlans» Алматыда Дүниежүзілік бокс топтамасының жаңа маусымындағы бірінші матчтық кездесуін өткізеді. Біздің командамыз Венесуэладан келетін қарсыластары - «Caciques de Venezuela» бокс клубымен кездеседі. Барлықтарыңызды командамызға қолдау көрсетуге шақырамыз! Біздің спортшыларымыз жанкүйерлерінің үмітін ақтап, оларды жеңістерімен және тамаша бокспен қуанту үшін қолдан келетінін жасайды», - дейді С.Сәпиев.
Естеріңізге сала кетейік, Алматыда «Astana Arlans» бокс клубының Венесуэланың «Caciques de Venezuela» командасына қарсы матчтық ойынды осы сенбі, 17 қаңтар күні өткізеді.
