Серік Жұманғарин ЕЭК кеңесінің құрамына енді
НҰР-СҰЛТАН. ҚазАқпарат - Серік Жұманғарин Қазақстанның Еуразия экономикалық комиссиясы кеңесіндегі ресми өкілі болып тағайындалды, деп хабарлайды ҚазАқпарат.
Бұл жайында комиссияның ресми сайтында жарияланды.
«Еуразия экономика комиссиясының кеңесінде Қазақстан атынан ҚР Премьер-Министрінің орынбасары – Сауда және интеграция министрінің міндеттерін атқарушы Серік Жұманғарин өкілдік етеді» делінген мәліметте.
Тиісті ресми хабарлама кеше Еуразия экономикалық комиссиясына келіп түскен.
Еске сала кетейік, Серік Жұманғарин таяуда ғана ҚР Премьер-Министрінің орынбасары – Сауда және интеграция министрінің міндеттерін атқарушы болып тағайындалған еді.
Ашық көздерден алынған фото
