«Северсталь» командасы астаналық «Барыс» хоккейшілерін айқын басымдықпен ұтты

АСТАНА. 29 қараша. ҚазАқпарат - Құрлықтық хоккей лигасы аясында кеше кешқұрым болған ойында «Северсталь» командасы астаналық «Барыс» хоккейшілерін айқын басымдықпен ұтты.

Атап айтқанда елордалық хоккейшілер сырт айдындағы осы кездесуінде 1:7 есебімен жеңіліс тапты. Бұл тартысты доданың бірінші кезеңіндегі алғашқы 5-ші минутта «Барыс» ойыншылары есеп ашып, жақсы белсенділік көрсеткенмен, соңынан айдын иелері қатарынан 7 шайба салды. Бұл кездесуде астаналық команданың оқтын-оқтын жасаған шабуылдары еш нәтиже бермеді.

«Барыс» командасының сырт айдындағы келесі кездесуі 30 қарашада «Витязь» хоккейшілерімен болады.