Сейсенбі күні республиканың басым бөлігінде қатты жел соғады - Қазгидромет
АСТАНА. ҚазАқпарат - 25 қараша, сейсенбі күні Қазақстанның басым бөлігінде ауа райының тұрақсыздығы сақталады, кей жерлерде қар жауып, көктайғақ болады, жел күшейеді.
Бұл туралы «Қазгидромет» РМК хабарлады.
Жамбыл, Оңтүстік Қазақстан облыстарында тұман түсіп, көктайғақ болады, желдің күші 15-20 м/с-қа дейін барады. Алматы облысының бірқатар аймаөтарында жел күшейеді, көктайғақ болып, тұман түседі. Ақмола, Солтүстік Қазақстан, Павлодар, түнде Шығыс Қазақстан облыстарында желдің күші 15-20 м/с болып, боран соғады. Қостанай облысының кей жерлеріне тұман түседі, көктайғақ болады, желдің екпіні 15-20 м/с болады. Қызылорда, күндіз Маңғыстау облысында жел 15-20 м/с екпінмен соғады.
