Сейсенбі күні республиканың басым бөлігінде жел күшейіп, көктайғақ болады

АСТАНА. ҚазАқпарат - 1 желтоқсан күні республиканың барлық аймақтары кең көлемді антициклонның ықпалында болғандықтан жауын-шашынсыз ауа райы сақталып, тек батысында фронтальды бөліктердің өтуіне байланысты жауын-шашын, көктайғақ күтіледі.

Бұл туралы Қазгидромет хабарлады. Республиканың кей жерлерінде тұман сақталады. Атырау, Батыс Қазақстан облыстарының кей жерлерінде тұман, көктайғақ күтіледі. Алматы облысының кей жерлерінде тұман түседі, күндіз Жалаңашкөл ауданында жел 15-20 м/с күшейеді. Шығыс Қазақстан облысының кей жерлерінде тұман күтіледі, күндіз Жармин ауданында жел 15-20 м/с күшейеді. Ақмола, Жамбыл, Оңтүстік Қазақстан, Қызылорда, Маңғыстау, Ақтөбе, Қостанай, Солтүстік Қазақстан, Павлодар, Қарағанды облыстарының кей жерлерінде тұман күтіледі.