Сейсенбіде ел аумақтарында құбылмалы күн райы күтіледі
АСТАНА. ҚазАқпарат - Атмосфералық фронттардың өтуіне байланысты 9 мамыр күні Қазақстанның батыс, оңтүстік, солтүстік- батыс аймақтарында жаңбыр жауып, найзағай ойнайды, жел күшейеді.
Елдің оңтүстігінде жел шаңды дауылмен бірге ұйытқиды. Солтүстікте түнгі және таңғы уақыттарда тұман күтіледі, деп хабарлайды ҚазАқпарат «Қазгидромет» РМК-ға сілтеме жасап.
Атап айтқанда, Қызылорда облысының кей жерлерінде найзағай, шаңды дауыл күтіледі. 15-20 м/с жылдамдықпен соққан желді екпіні 25 м/с күшейеді.
Жамбыл, Маңғыстау, Атырау, Ақтөбе, таңертең және күндіз Қостанай облыстарының кей жерлерінде найзағай ойнап, жел 15-20 м/с күшейеді.
Солтүстік Қазақстан облысының кей жерлерінде желдің екпіні 15-20 м/с артады, түнде және таңертең тұман болады.
Күндіз Ақмола, Қарағанды облыстарында, түнде және таңертең Оңтүстік Қазақстан облысының жекелеген аумақтарында жел 15-22 м/с күшейеді.
Батыс Қазақстан облысының жекелеген жерлерінде найзағай күтіледі.
