Сейсенбіде Қазақстанда қар жауып, бұрқасын соғады

АСТАНА. ҚазАқпарат - 20 ақпанда атмосфералық ағындардың өтуіне байланысты Қазақстанның басым бөлігінде құбылмалы ауа райы сақталады, кей жерлеріде қар жауып, көктайғақ болып, жаяу бұрқасын күтіледі. Республиканың басым бөлігінде тұман сақталады, деп хабарлайды ҚазАқпарат Қазгидрометке сілтеме жасап.

Жамбыл облысының кей жерлерінде тұман болып, желдің күшеюі 15-20, екпіні 23-28, оңтүстік-батыста жылдамдығы 30 м/с-дан асып кетеді.
Алматы облысының кей жерлерде тұман, Жалаңашкөл ауданында желдің күші 18-23, күндіз екпіні 28 м/с-ге жетеді.

Оңтүстік Қазақстан, Қызылорда облыстарының кей жерінде желдің күшеюі 15-20, екпіні 23-28 м/с-ге жетеді, Қызылорда облысының кей жерлерінде көктайғақ күтіледі.

Шығыс Қазақстан облысының кей жерлерінде тұман, күндіз кей жерлерде жел 15-25 м/с-ге күшеюі күтіледі.

Ақтөбе облысында Мұғалжар ауданында түнде жел 18 м/с күшейеді. Маңғыстау облысының кей жерлерінде тұман, көктайғақ күтіледі. Батыс Қазақстан облысының кей жерлерінде тұман, жаяу бұрқасын күтіледі. Ақмола, Атырау, Қостанай, Солтүстік Қазақстан, Павлодар, Қарағанды облыстарының кей жерлерінің тұман күтіледі.