Сейсенбіде Қазақстанның басым бөлігінде жауын-шашын болмайды

АСТАНА. ҚазАқпарат - Бүгін атмосфералық фронттардың өтуіне байланысты республиканың солтүстік-батысында және шығысында кей жерлерінде жаңбыр сақталады, шығыс жартысында түнгі уақыттарда жаңбырдың арты қарға ұласуы мүмкін, деп хабарлайды Қазгидромет.

Қазақстанның қалған территориясына антициклон әсер етеді, онымен бірге жауын-шашынсыз ауа-райы күтіледі. Кей жерлерде жел соғады, оңтүстікте және оңтүстік-батыста шаңды дауыл күтіледі. Түнде және таңертең кей жерлерде тұман болады.

Республиканың солтүстік, солтүстік-батыс, шығыс және орталық аумақтарында кей жерлерде аяз сақталады.

Ақмола, Солтүстік Қазақстан, Павлодар және Қарағанды ​​облыстарында түнде және таңертең кей жерлерде тұман күтіледі.

Шығыс Қазақстан, Жамбыл облыстарында кей жерлерде жел соғады, күші 15-20 м/с, тұман болады.

Қостанай облысында кей жерлерде тұман түседі.

Түркістан, күндіз Ақтөбе облыстарында кей жерлерде жел соғады, күші 15-20 м/с-ға жетеді.

Қызылорда және Маңғыстау облыстарында кей жерлерде шаңды дауыл, желдің жылдамдығы 15-20 м/с-ға жетеді.

Қызылорда облысында күндіз желдің екпіні 23 м/с болады. 

Қызылорда, Түркістан облыстарының басым бөлігінде, Жамбыл, Атырау, Батыс Қазақстан, Маңғыстау, Ақтөбе және Қарағанды ​​облыстарының кей жерлерінде өрт қауіп сақталады. 

Ақмола, Қостанай, Солтүстік Қазақстан, Павлодар, Қарағанды, Шығыс Қазақстан облыстарының түнде кей жерлерінде 3 градусқа аяз күтілуде.