08:38, 20 Ақпан 2013 | GMT +5
Шағын өрт егде жастағы ер адамның өліміне себеп болды - ҚР ТЖМ
АСТАНА. 20 ақпан. ҚазАқпарат - 19 ақпан күні кешқұрым Павлодар қаласында 5 қабатты көппәтерлі тұрғын үйдің бесінші қабатында орналасқан пәтерде өрт болды, деп хабарлады ҚР ТЖМ-нен.

1,5 шаршы метрге тараған жалын ҚР ТЖМ Павлодар облыстық ТЖД өрт сөндіру қызметінің (7 адамы мен 3 техникасы) күшімен сөндірілді. Құтқарушылар оқиға орнында 64 жастағы ер адамның мүрдесін тапты.