Бибісара Асаубаева Cairns Cup 2026 турнирінің қола жүлдегері атанды
АСТАНА. KAZINFORM – Бүгін АҚШ-тың Сент-Луис қаласында әлемнің үздік шахматшылары бас қосқан беделді Cairns Cup турнирі аяқталды, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Биыл мықты 10 шахматшы қатысқан додада Қазақстан намысын гроссмейстер Бибісара Ассаубаева қорғады. Отандасымыз турнирдегі 9 турдан кейін 5 ұпай жинап, 3-орынға ие болды.
Жүлдегерлер:
1-орын Тан Чжунъи (Қытай) 6,5 ұпай
2-орын Элис Ли (АҚШ) 6 ұпай
3-орын Бибісара Асаубаева (Қазақстан) 5 ұпай.
Сонымен қатар Асаубаева жүлделі орны үшін ұйымдастырушылардан сыйақы ретінде 35 мың АҚШ долларын алады.
Бибісара Асаубаева FIDE Excellence Awards сыйлығына үміткер екенін жазған едік.
