Шахматшы Сәдуақасова «HDBank Cup International Open Chess 2017» турнирінің жеңімпазы болды
АСТАНА. ҚазАқпарат - Шахматшы Динара Сәдуақасова «HDBank Cup International Open Chess 2017» халықаралық турнирінде жеңіске жетті, деп хабарлайды ҚазАқпарат тілшісі.
Бұл халықаралық турнир 10-17 наурыз аралығында Вьетнам елінде өткен болатын.
Оған әлемнің 21 елінен ең мықты деген 130 шахматшы қатысқан. Екінші орынды әлем чемпионатының экс-чемпионы Антуанета Стефанова иеленді. Үшінші орында сингапурлық Ли Руофан жеңіп алды.
Отандасымыз әлемдік рейтингте жағдайын біршама жақсартып алды. Динара бұл күні әйелдер арасында үздік 30-дыққа енген алғашқы Қазақстандық шахматшы атанып отыр.
